<<
>>

Приложени


«ЛЕТА 7006-ГО МЕСЯЦА СЕПТЕМВРИА УЛОЖИЛ КНЯЗЬ ВЕЛИКИЙ ИВАН ВАСИЛЬЕВИЧ ВСЕЯ РУСИ С ДЕТМИ СВОИ­МИ И С БОЯРЫ О СУДЕ, КАК СУДИТИ БОЯРОМ И ОКОЛНИ- ЧИМ

1. Судите суд бояром и околничим. А на суде быти у бояр и у околничих диаком.

А посулов бояром, и околничим, и диаком от су­да и от печалованиа не имати: також и всякому судие посула от суда не имати никому. А судом не мстити, ни дружити никому.

2. А каков жалобник к боярину приидет, и ему жалобников от себе не отсылати, а давати всемь жалобником управа в всемь, кото- рымь пригоже. А которого жалобника непригоже управити, и то ска­зати великому князю, или к тому его послати, которому которые люди приказаны ведати.

3. А имати боярину и диаку в суде от рублеваго дела на вино­ватом, кто будет виноват, ищеа или ответчик, и боярину на винова­том два алтына, а диаку осмь денег. А будеть дело выше рубля или ниже, и боярину имати по тому росчету.

4. О ПОЛЕВЫХ ПОШЛИНАХ. А досудятся до поля, а у поля не стояв, помиряться, и боярину и диаку по тому росчету боярину с рубля два алтына, а диаку осмь денег; а околничему, и диаку, и не- делщиком пошлин полевых нет.

5. А у поля стояв помирятся, и боярину и диаку имати по тому ж росчету пошлины свои; а околничему четверть и диаку четыре ал­тыны з денгою, а неделщику четверть, да неделщику ж вязчего два алтына.

6. А побиются на поли в заемном деле или в бою, и боярину с диакомь взята на убитом противень противу исцева; а околничему полтина, а диаку четверть, а неделщику полтина да неделщику ж вясчего 4 алтыны.

7. А побиются на поли в пожеге, или в душегубстве, или в раз­бои, или в татбе, ино на убитом исцево доправити; да околничему на убитом полтина да доспех, а диаку четверть, а неделщику полтина, да неделщику ж вясчего 4 алтыны. А сам убитой в казни и в прода­жи боярину и диаку.

8. О ТАТБЕ. А доведуть на кого татбу, или разбои, или душе­губство, или ябедничество, или иное какое лихое дело, и будет ве­домой лихой, и боярину того велети казнити смертною казнью, а ис- цево велети доправити изь его статка а что ся у статка останеть, ино то боярину и диаку имати себе. А противень и продажа боярину и диаку делити: боярину два алтына, а диаку осмь денег. А не будет у которого лихого статка, чем исцево заплатите, и боярину лихого истцу вь его гыбели не вьщати, а велети его казнити смертною каз- нию тиуну великого князя московскому да дворскому.

9. А государскому убойце и коромолнику, церковному татю, и головному, и гюдымщику, и зажигалнику, ведомому лихому чело­веку живота не дати, казнити его смертною казнью.

10. О ТАТЕХ. А котораго татя поймают с какою татбою ни бу­ди впервые, эпроче церковные татбы и головные, а в ыной татбе в прежней довода на него не будет, ино его казнити торговою каз- нию, бита кнутием да исцево на нем доправя, да судие его продати. А не будет у того татя статка, чем исцево заплатить, ино его бив кнутиемь, да исцу его выдать вь его гибели головою на пролажю, а судье не имати ничего на нем.

11. А поймают татя вьдругые с татбою, ино его казнити смерт­ною казнию, а исцево заплатити изь его статка, а досталь его статка судье. А не будет у того татя статка с ысцеву гыбель, ино его исцу в гибели не вьщати, казнити его смертною казнью.

12. А на кого взмолвят детей боярскых человек пять или шесть добрых, по великого князя по крестному целованию, или черных че- ловекь пять-шесть добрых христиан целовалников, что он тать, а до­вода на него в прежнем деле не будет, у кого крал или кому татбу плачивал, ино на том взята исцеву гыбель без суда.

13. О ПОЛИЧНОМ. А с поличным его приведут впервые, а взмолвят на него человекь пять или шесть по великого князя по крестному целованию, что он тать ведомой, и преж того неодинова крадывал, ино того казнити смертною казнию, а исцево заплатити из его статка.

14. О ТАТИНЫХ РЕЧЕХ. А на кого тать возмолвит, ино того опытати: будет прирочной человек з доводом, ино его пытати в тат- бе; а не будет на него широка з доводом в какове деле в прежнем, ино татиным речем не верити, дати его на поруку до обыску.

15. О ПРАВОЙ ГРАМОТЕ. А от правые грамоты имати от пе­чати с рубля по девяти денег, а диаку от подписи с рубля по алтыну, а подьячему, которой грамоту напишет правую, имати с рубля по три денги.

16. О ДОКЛАДНОМ СПИСКЕ. А докладной список боярину печатати своею печатью, а диаку подписывати. А имать боярину от списка с рубля по алтыну, а диаку от подписи с рубля по четыре

денги, а подьячему, которой на списке напишет, с рубля по две денги.

17. О ХОЛОПИЕЙ О ПРАВОЙ ГРАМОТЕ. А с холопа и с робы от правые гамоты и от отпустные боярину имати от печати с головы по девяти денег, а диаку от подписи по алтыну с головы, а подъяче- му, которой грамоту правую напишет или отпустную, с головы по три денги.

18. О ОТПУСТНОЙ ГРАМОТЕ. А положит кто отпустную без боярского докладу и без диачей подписи, или з городов без намест- нича докладу, за кототорым боярином кормление с судом боярским, ино та отпустнаа не в отпустную, опроче тое отпустные, что госу­дарь своею рукою напишет, и та отпустнаа грамота в отпустную.

19. О НЕПРАВОМ СУДЕ. А которого обинит боярин не по суду и грамоту правую на него сь диаком дасть, ИНО ТА ГРАМОТА не в грамоту, а взятое отдати назад, а боярину и диаку в том пени нет, а исцем суд с головы.

20. О НАМЕСТНИЧЕ УКАЗЕ. А наместником и волостелем, которые держат кормлениа без боярьского суда, холопа и робы без докладу не выдати, ни грамоты беглые не дати; також и холопу и робе на государя грамоты правые не дати без докладу, и отпустные холопу и робе не дати.

21. О ВЕЛИКОМ КНЯЗИ. А с великого князя суда и с детей ве­ликого князя суда имати на виноватом по тому же, как и с боярского суда, с рубля по два алтына, кому князь велики велит.

22. О ПРАВОЙ ГРАМОТЕ. От правыя грамоты имать от печати печатнику великого князя и детей великого князя печатнику с рубля по девяти денег, а дьяку от подписи с рубля по алтыну, а подъячему, которой грамоту правую напишет, с рубля по три денги.

23. А с холопа и с робы печатнику имати от правые грамоты с головы по девяти денег, а дьяку имати от подписи с головы по ал­тыну, а подъячему, которой грамоту напишет, имать с головы по три денги.

24. О ДОКЛАДНОМ СПИСКЕ. А докладной список с великого князя докладу и с детей великого князя докладу печатати великого князя печатнику и детей великого князя печатнику; от печати имати от списка с рубля по девяти денег; а дьяку от подписи с рубля по ал­тыну, а подьячему, который на списке напишет, имать с рубля по две денги.

25. О БЕЗСУДНОМ СПИСКЕ. А от безсудныя грамоты имати печатнику с рубля по алтыну, а дьяку от подписи по алтыну же с рубля, а подъячему имать с рубля по две денги.

26. О СРОЧНЫХ. А от срочных от подписи дьяку имать от срочные по две денги. А от отписных срочных дьяку имати от под­писи с рубля по три денги. А подьячим имати от писма с рубля по две денги. А коли ищея или ответчик оба вместе хотят срок отписа- ти, и они платят оба по половинам от подписи и от писма, а недел- щику хожоное. А который ищея или ответчик к сроку не поедет, а пошлет срока отписывать, и тому все платить одному от срочных от обеих да и хоженое. А срочные дьяком держати у себя.

27. О БЕЗСУДНЫХ. А как давати безсудныя, дияком снести срочныя самим вместо, да розобрав срочные самим дияком, да веле­ти им подъячим бессудные давати и сроки отписывати. А подъячим срочных не давати. А безсудные давати с осмаго дня.

28. О ПРИСТАВНЫХ. А от приставных имати печатнику у не- делщиков по езду: с которые приставные рубль неделщику, и дияку от подписи взяти алтын у неделщика с рубля, а печатнику от печати у неделщика взяти алтын же. А будет езду болши рубля или менши до которого города, и дияку и печатнику имать по тому же росчету. А будет в приставной иск менши езду, и дияку тех приставных не подписывати; а без неделщиков дияков приставных не под-писывати же. А колко вытей в приставной ни будет, и неделщику езд один до того города, в которой город приставная писана.

29. А хоженого на Москве площеднаа неделщику десеть денег, а на правду вдвое; и от поруки поминков не имати им. А езд недел- щик емлет до которого города, а на правду им имати вдвое езд.

30. УКАЗ О ЕЗДУ. А езду от Москвы до Коломны полтина, до Коширы полтина, до Хотуни десеть алтын, до Серпухова полтина, до Тарусы 20 алтын, до Алексина полтретьятцать алтын, до Колуги рубль, до Ерославца полтина, до Вереи полтина, до Боровска полти­на, до Вышегорода полтина, до Кременска 20 алтын, до Можайска полтина.

31. А ездите неделщиком и на поруку давати самим с пристав­ными или своих племянников и людей посылати с приставными. А урочников им не посылати с приставными. А от поруки им с при­ставными ездячи не имати ничего. О НЕДЕЛЩИКАХ УКАЗ. А в ко­тором городе живеть неделщик, ино ему с приставными в том горо­де не ездити, ни посылати ему с приставными в свое место ни в ка- кове деле.

32. А кто по кого пошлет пристава в чем, и что ему в том убыт­ка станет в волоките, или что даст от срочные и от правые грамоты или от бессудные, и правому то все взяти на виноватомь.

33. А неделщиком на суде на боярина, и на околничих, и на диаков посула не просити и не имати, а самимь от порукы посулов не имати.

34. А которому дадут татя, а велят его пытати, и ему пытати та­тя безхитростно, а на кого тать что взговорит, и ему то сказати вели­кому князю или судии, которой ему татя дасть, а клепати ему татю не велети никого. А пошлют которого неделщика по татей, и ему та­тей имати безхитростно, а не норовити ему никому. А изымав ему татя, не отпустити, ни посула не взяти; а опришних ему людей не имати.

35. А у которого неделщика седят тати, и ему татей на поруку без докладу не дата и не продавати ему татей.

36. А которого татя дадут на поруку в какове деле ни буди, и им исцов и ответчиков не волочити, а ставити их перед судиами. А срочные их Христианом «писывать и бессудные давати не воло­китно, а от безсудных им у христиан не имати ничего. А коли срок отпишут обема истцемь вместе, и ему взяти одно гоженое с обеих сторон, а опроче того ему не взяти ничего. А в езду своем дати на поруку до обыску, доколе дело скончается, и ему взяти езд на вино­ватом. А кто ищеа или ответчик сам не поедет ко ответу, а пришлет в свое место срока отписывати, и неделщиком хоженое взяти на том на одном, кто поедет в его место срока отписывати.

37. УКАЗ НАМЕСТНИКОМ О СУДЕ ГОРОДСКЫМ. А в кото­рой город или в волость в которую приедет неделщик или его чело­век с приставною, и ему приставная явити наместнику или волосте­лю, или их тиуном. А будут оба исца того города или волости суди- мыя, и ему обоих исцов поставити пред наместником ли пред волос­телем или перед их тиуны.

38. А бояром или детем боярским, за которыми кормления с су­дом с боярьским, имуть судити, а на суде у них быти дворьскому, и старосте и лутчимь людем. А без дворского, и без старосты, и без лутчих людей суда наместником волостелем не судити; а посула им от суда не имати, и их тиуном и их людем посула от суда не имати же, ни на государя своего, ни на тиуна, и пошлинником от суда по­сулов не просити. А имати ему с суда, оже доищется ищея своего, и ему имати на виноватом противень по грамотам, то ему и с тиу­ном; а не будеть где грамоты, и ему имати противу исцева. А не доищется ищея своего, а будет виноват ищея, и ему имати на ищеи с рубля по два алтына, а тиуну его с рубля по осми денег. А будет дело выше рубля или ниже, ино имати на ищеи по тому ж росчету. А доводчику имати хоженое и езд и правда по грамоте. А досудятся до поля да помирятся, и ему имати по грамоте. А побиются на поли, и ему имати вина и противень по грамоте. А где нет грамоты, а по­мирятся, и ему имати противень вполы исцева, то ему и с тиуном. А побиются на поли в заемном деле, или в бою, и ему имати проти­вень против исцева. А побиются на поли в пожеге, или в душегубь- стве, или в разбое, или в татбе, ино на убитом исцово доправити, а сам убитой в казни и в продажи наместнику, то ему и с тиуном.

39. О ТАТЕХ УКАЗ. А доведут на кого татбу, или разбой, или дущегубьство, или ябедничьство, или иное какое лихое дело, а будет ведомой лихой, и ему того велети казнити смертною казнью, а исце- во доправити из его статка, а что ся у статка останеть, ино то наме­стнику и его тиуну имати себе. А не будет у которого у лихого стат- ка, чем исцево заплатить, и ему того лихого исцю в его гибели не выдати, велети его казнити смертною казнью.

40. О ПРАВОЙ ГРАМОТЕ. А от правой грамоты имати боярину или сыну боярьскому, за которым кормленья с судом с боярьским, с рубля по полутретья алтына от печати, то ему и с тиуном; а дьяку, который грамоту правую напишеть, от писма с рубля имати по три денги. А тиун дасть грамоту правую, и он емлеть от печяти с рубля по полутретья алтына на государя своего и на себя, а дьяк его емлеть с рубля по три денги. А с холопа и с робы от правые грамоты от от- пустные имати боярину или сыну боярьскому, за которым кормле- нье с судом з боярьским, от печяти з головы по полутретья алтына. А дьяк его от писма з головы по три денги.

41. А тиуну его на корьмление холопу правые грамоты без док­лада государя и отпустныя грамоты не дати.

42. О ОТПУСТНОЙ ГРАМОТЕ. А положит кто отпустную гра­моту без боярьского докладу и без дьячьей подписи, или з городов без наместничя докладу, за которым кормление за сыном боярьским с судом с боярским, и та отпустная грамота не во отпустную, опроче тое отпустные, что государь своею рукою напишеть, и та отпустная грамота во отпустную.

43. Наместником и волостелем, которые дрьжать кормление без боярьского суда, и тиуном великого князя и боярьскым тиуном, за которыми кормлениа с судом з боярьским, холопа и робы без доклада не выдати и отпустные не дати; а татя и душегубца не пус­тити и всякого лихого человека без докладу не про-дати, ни казнити, ни отпустити.

44. О ПРИСТАВЕХ. А приством наместничим по городом има- ти хоженое и езд по грамоте, а где нет грамоты, и ему хоженое има- ти в городе по четыре денги, а езд на версту по денге, а на правду в городе и в волости вдвое.

45. АЩЕ кто пошлет пристава по наместника, и по волостеля, по боярина и по сына боярскаго, и по их тиунов, и по великого князя тиунов, и наместнику и волостелю, и их тиуном, и великого князя тиуном, и довотчиком к сроку отвечивати ехати; а не поедет к сроку сам, и ему к сроку в свое место к ответу послати.

46. О ТОРГОВЦЕХ. А кто купит на торгу что ново, опроче ло­шади, а у кого купит, не зная его, а будет людем добрым двема или трем ведомо и поима-ются у него, и те люди добрые скажут по пра­ву, что пред нима купил в торгу, ино тот прав, у кого поимались и целованиа ему нет.

47. А кто купит на чюжей земли что, а поимаются у него, и тол- ко у него свидетелей два или три люди добрые скажут по праву, что перед ними купил в торгу, ино тот прав, у кого поималися, и целова- ниа ему нет; а не будет у него свидетелей, ино ему правда дати.

48. О ПОСЛУШЕСТВЕ. А кого послух послушествует в бою или в грабежю или в займех, ино судити на того волю, на ком ищут, хощет на поле в послу-хомь лезет, или став у поля, у креста поло­жит, на нем ищут, и истець бес целованиа свое возмет, и ответчикь и полевые пошлины заплатит, а вины ему убитые нет. А не стояв у поля, у креста положит, и он судиамь пошлину по списку заплатит, а полевых ему пошлинь нет.

49. А противу послуха ответчик будет стар, или мал, или безве-

чен, или поп, или чернец, или черница, или жонка, ино противу по­ KJ KJ Л

слуха наймит нанята волно, а послуху наймита нет. А что правому учинится убытка или его послуху, ино те убытки на виноватом.

50. А послух не пойдет перед судью, ест ли за ним речи, нет ли, ино на том послусе исцово и убыткы и все пошлины взята. А с пра- ветчиком о сроце тому послуху суд.

51. А послух не говорит перед судиями в ысцевы речи, и истець тем и виноват.

52. А на ком чего взыщет жонка, или детина мал, или кто стар, или немощен, или чем увечен, или поп, или чернец, или черница, или кто от тех в по-глушестве будет кому, ино наймита нанята вод­но. А исцем или послуху цело-вати, а наймитом битися; а противу тех наймитов исцу или ответчику наймит же; а восхочет, и он сам биется на поли.

53. А кто кого поймает приставом в бою, или в лае, или в зай- мех и на суд яти не восхотят, и они доложа судии, помирятся, а су­дьи продажи на них нет, опроче езду и хоженого.

54. А наймит не дослужит своего урока, а пойдет прочь, и он найму лишен.

55. О ЗАЙМЕХ. А которой купець, идучи в торговлю, возмет у кого денги яли товар, да на пути у него утеряется товар безхитро- стно, истонет, или згорить, или рать возметь, и боярин обыскав, да велит дати тому диаку великого ьнязя полетную грамоту с великого князя печятию, платити исцеву истину без госту. А кто у кого взяв­ши что в торговлю, да шед пропиет или иным какым безумием по­губит товар свой без напраздньства, и того исцю в гибели выдати толовою на продажу.

56. А холопа полонит рать татарскаа, а выбежит ис полону, и он слободен, а старому государю не холоп.

57. О ХРИСТИАНСКОМ ОТКАЗЕ. А Христианом отказывати- ся из волости, ис села в село, один срок в году, за неделю до Юрьева дни осеннего и неделю после Юрьева дни осеннего. Дворы пожилые платят в полех за двор рубль, а в лесех полтина. А которой христиа­нин поживет за ким год, да пойдет прочь, и я платит четверть двора, а два года поживет да поидеть прочь, и он полдвора платит; а три годы поживет, а пойдет прочь, и он платит три четверти двора; а че­тыре года поживет, и он весь двор платит.

58. О ЧЮЖОЗЕМЦЕХ. А которой чюжоземец на чюжеземце чего взыщет, ино того воля, на ком ищут, хочет отцелуется, что в том не виноват, или у креста положит чего на нем ищут, и истец, поцеловав крест, да возмет.

59. А попа, и диакона, и черньца, и черницу, и строя, и вдову, которые питаются от церкви божиа, то судить святитель или его су­дия. А будет простой овек с церковным, ино суд вопчей. А котораа вдова не от церкви божий питается, а живет своим домом, то суд не святительской.

60. А которой человек умрет без духовные грамоты, а не будет у него сына, ино статок весь и земли дочери; а не будет у него доче­ри, ино взяти ближнему от его рода.

61. О ИЗГОРОДАХ. А промежи сел и деревень городити изго- роды по половинам; а чьею огородою учинится протрава, ино тому платити, чья огорода. А где отхожие пожни от сел или от деревень, ино поженному государю не городитися, городит тот всю огороду, чьа земля оранаа пашня к пожни.

62. О МЕЖАХ. А кто сореть межу или грани ссечет из великого князя земли боярина и монастыря, или боярской и монастырской у великого князя земли, или боярской или монастырской у боярина, или боярской у монастыря, и кто межу сорал или грани ссек, ино то­го бита кнутием, да исцу взяти на нем рубль. А христиане промежу себя в одной волости или в селе кто у кого межу переорет или пере­косит, ино волостелем или поселскому имати на том за боран по два алтына и за рану присудят, несмотря по человеку и по ране и по рас- сужению.

63. О ЗЕМЛЯХ СУД. А взыщет боярин на боярине, или мона­стырь на монастыре, или боярской на монастыре, или монастырской на боярине, ино судити за три годы, а дале трех годов не судити. А взыщет черной на черном, или поместник на помесчике, за кото­рым земли великого князя, или черной или селской на помесчике, или помесчик на черном и на сельском, ино судити потому ж за три годы, а дало трех годов не судити. А взыщут на боярине или на монастыри великого князя земли, ино судити за шесть лет, а дале не судить. А которые земли за приставом в суде, и те земли досужывати.

64. А пересудчиком пересуд имати на виноватом две гривны, а менши рубля пересуда нет. А с списка с суднаго и с холопа и с зем­ли пересуда нет. А с поля со всякого пересуд. А список оболживит кто да пошлется на правду, ино в том пересуд. А подвойскым права- го десятка 4 денги, а имати на виноватом же.

65. А на котором городе будут два наместника или на волости два волостеля, и им имати пошлины по сему списку обе за одного наместника, а тиуном их за одного тиуна, и они себе делят по поло­винам.

66. О ПОЛНОЙ ГРАМОТЕ. По полной грамоте холоп. По ти- уньству и по ключю по сельскому холоп з докладом и без докладу, и с женою и с детми, которые у одного государя; а которые его дети у иного или себе учнут жиги, то не холопи; а по городцкому ключю не холоп; по робе холоп, по холопе роба, првданой холоп, по духов­ной холоп.

67. О ПОСУЛЕХ И О ПОСЛУШЕСТВЕ. Да велети прокликать по торгам на Москве и во всех городех Московские земли и Нового- родцкие земли и по всем волостем заповедати, чтобы ищея и ответ­чик судиам и приставом посулу не сулили в суду, а послухом не ви­дев не послушествовати, а видевши сказати правду. А послушеству- ет послух лживо не видев, а обыщется то опосле, ино на том послухе гибель исцева вся и с убыткы.

68. О ПОЛЕВЫХ ПОШЛИНАХ. А к полю приедет околничей и диак, и околничему и диаку воспросити исцев, ищеи и ответчиков, кто за ними стряпчей и поручникы, и кого скажут за собою стряпчих и поручников, и им тем велети и стояти, а доспеху и дубин и осло­пов стряпчим и поручником у себя не держати. А которые имуть оп- ришние у поля стояти, и околничему и диаку тех отслати прочь. А не пойдут опришнии люди прочь, и околничему и диаку на тех велети исцово доправити и с пошлинами да велети их дати на пору­ку да поставити перед великым князем».

<< | >>
Источник: В.И. Пищулин, Л.И. Рогачева. Источники права дореволюционной России : учебное пособие / В.И. Пищулин, Л.И. Рогачева. — Рязань, 2015— 92 с.. 2015

Еще по теме Приложени:

  1. Приложения
  2. Приложения для платформ
  3. Приложения за пределами сайтов социальных сетей
  4. Брендированные приложения
  5. § 80 Знаки препинания при обособленных приложения
  6. ГЛАВА 4 ВОЗМОЖНЫЕ ПРИЛОЖЕНИЯ
  7. Знаки препинания при обособленных приложениях
  8. при приложениях
  9. § 44. Приложение
  10. Обособление приложений
- Авторское право России - Аграрное право России - Адвокатура - Административное право России - Административный процесс России - Арбитражный процесс России - Банковское право России - Вещное право России - Гражданский процесс России - Гражданское право России - Договорное право России - Европейское право - Жилищное право России - Земельное право России - Избирательное право России - Инвестиционное право России - Информационное право России - Исполнительное производство России - История государства и права России - Конкурсное право России - Конституционное право России - Корпоративное право России - Медицинское право России - Международное право - Муниципальное право России - Нотариат РФ - Парламентское право России - Право собственности России - Право социального обеспечения России - Правоведение, основы права - Правоохранительные органы - Предпринимательское право - Прокурорский надзор России - Семейное право России - Социальное право России - Страховое право России - Судебная экспертиза - Таможенное право России - Трудовое право России - Уголовно-исполнительное право России - Уголовное право России - Уголовный процесс России - Финансовое право России - Экологическое право России - Ювенальное право России -